أغنية الصيام مش كده
فؤاد المهندس وشويكار
كلمات: حسين السيد
ألحان: حلمي بكر
إخراج: رشاد عبد الغني
إنتاج التلفزيون المصري
كلمات الأغنية
فؤاد: ياشوشوووووووو
شوشو: في إيه تاني..... جرى ايه تاني
فاضل ساعتين ع المغرب... وخايلني طول اليوم
والمطبخ يضرب يقلب
فؤاد: يعني أدخل أقشر توم
شوشو: عايزني في ايه دلوقتي
فؤاد: عايز أدخل أصلي الفرض
شوشو: طاب وبتندهلي ليه؟
فؤاد: أتزحلقت على الأرض
شوشو: وعايزني أعملك ايه... عايزني أعملك ايييه
فؤاد: يعني أنكسر كده سوكيتي.. معرفش أقول كلمة في بيتي
يعني أنكسر كده سوكيتي.. معرفش أقول كلمة في بيتي
أنده عليكِ وسيباني لوحدي أهاتي
أنده عليكِ وسيباني لوحدي أهاتي
شوشو: طيب تعالى تعالى
فؤاد: أبعدي إيدك أنا متوضي
أه يانا يا مكسور يانا
أه يانا يا غلبان يانا
أه يانا يا مكسور يانا
أه يانا يا غلبان يانا
شوشو: أنت ناسي... إن عمامك
جايين يفطروا ويانا
يا راجل أهمد
أبوس إيدك
في ضيوف جايين
فؤاد: معذور يا خواتي أنا صايم
معذور يا خواتي انا صايم
شوشو: وأنت أنت تكون مين
هو أنت لوحدك طاب ما احنا كلنا صايمين
كلنا صايمين
*********
فؤاد: يا شوشوووووو
أنتِ يا ست يا للي في البيت
شوشو: يا ربي... الراجل أتجنن خلاص
في ايه تاني تاني
عايز ايه تااني
فؤاد: خرطوشة السجاير محطوطة ليه هنا؟
شوشو: ما هو أنت اللي تملي بتحطها هنا
فؤاد: ودورق ماية ساقعة بيعمل ايه هنا؟؟
شوشو: وأنت مالك وماله.. هنشيله من هنا
فؤاد: وسلطنية طرشي ولمونة مخللة؛ عملاها مقصودية أتقي ربنا
أتقي ربنا
شوشو: يا راجل انت أعقل شوية... أو خش أوضتك نام شوية
يا راجل انت أعقل شوية... أو خش أوضتك نام شوية
فؤاد: يعني أتخمد؟؟ مش هتخمد
يعني أتخمد؟؟ مش هتخمد
مش هتخمد
شوشو: أنا مقولتش تتخمد
فؤاد: أممم... إيه ده
إيه ده ده ده ده
شوشو: أنت بتدور على ايه؟ بتبحلق فيا كده ليه
أنت بتدور على ايه؟ بتبحلق فيا كده ليه
فؤاد: أنتِ عيزاني أخش النار النار الناااار
شوشو: أنا عارفة انك هتخش النار
فؤاد: بتكلم جد ده مش هزار ده مش هزار
فستانك حلو وتسريحتك هتجنني
شوشو: يعني أعمل ايه
فؤاد: ألبسي بالطو وطرحة بني وطرحة بني وطرحة بني
فستانك حلو وتسريحتك هتجنني
شوشو: يعني أعمل ايه
فؤاد: ألبسي بالطو وطرحة بني وطرحة بني وطرحة بني
أه يانا يا محروم يانا، أه يانا يا صايم يانا
أه يانا يا محروم يانا، أه يانا يا صايم يانا
شوشو: أنت ناسي... إن عمامك
جايين يفطروا ويانا
يا راجل أهمد
أبوس إيدك
في ضيوف جايين
فؤاد: معذور يا خواتي أنا صايم
معذور يا خواتي انا صايم
شوشو: وأنت أنت تكون مين
هو أنت لوحدك طاب ما احنا كلنا صايمين
كلنا صايمين
***********
فؤاد: يا شوشوووووووو
أنتِ يا ست هانم
الرحمة يا رب
شوشو: في ايه تاني... جرى ايه تااني
فؤاد: ريحة صواني مفحفحة وكوستليتة مشوحة
ريحة صواني مفحفحة وكوستليتة مشوحة
وبامية خضرا مسبكة وشوربة فيها أه مستكة
ريحة صواني مفحفحة وكوستليتة مشوحة
ريحة صواني مفحفحة وكوستليتة مشوحة
وبامية خضرا مسبكة وشوربة فيها أه مستكة
وفرخة رومي محمرة
تسلم ايديكِ يا سكرة
وفرخة رومي محمرة
تسلم ايديكِ يا سكرة
شوشو: الريحة دي ريحة الجيران.. ظابطين فطورهم ع الأذان
الريحة دي ريحة الجيران.. ظابطين فطورهم ع الأذان
فؤاد: يا عالم ياللي فوق.. يا عالم ياللي تحت
يا عالم ياللي فوق.. يا عالم ياللي تحت
يا ناس ريحتكوا فايحة هتلكوا مدخنة
يا ناس الدنيا صايمة طلعتوا حسنا
يا ناس حرام عليكم.. فتحتوا نفسنا
وفتحتوا نفسنا
الساعة واقفة
شوشو: مش واقفة
فؤاد: أمال جرى إيه.. العقرب ماشي بيدلع على مهله ليه
"بووم"
هيييييييييييييييييييييييييييييه... المدفع ضرب
وحوي يا وحوي
شوشو: إياحة
فؤاد: وكمان وحوي
شوشو: إياااحة
فؤاد: وحوي يا وحوي
شوشو: إياااحة
فؤاد: وكمان وحوي
شوشو: إياااحة
"تلغراف"
شوشو: أعمامك مش جايين.. بيقولوا عيانيين
أعمامك مش جايين.. بيقولوا عيانيين
فؤاد: أحسن علشان أنا وأنتِ نفطر واحنا رايقين
هاتيلنا الفرخة الرومي
شوشو: الفرخة ما استوتشي
فؤاد: طاب هاتي طاجن ضٌلمة
شوشو: الضٌلمة ما تحشتشي
فؤاد: طاب هاتي حتة لحمة
شوشو: اللحمة متشوتشي
فؤاد: طاب هاتي حبة سلطة
شوشو: خضارها ما تغسلشي
قؤاد: طاب شوفي أي حاجة
شوشو: الأكل متعملش
قؤاد: إييه؟؟
أمال يعني هفطر إيه وعمامي كانوا هياكلوا إيه؟
شوشو: وكمان لك عين تسألني يا بيه
عايز تفطر بجد جدا
فؤاد: أمال يعني هئ بهزار
شوشو: خدلك تعسيلة لحد المدفع ما يقول بوم بوم
فؤاد: ما هو لسة المدفع من شوية قايل بوم بوم
شوشو: خدلك تعسيلة لحد المدفع ما يقول بوم بوم
فؤاد: ما هو لسة المدفع من شوية قايل بوم بوم
شوشو: أنا بقصد مدفع السحور ويا دوب في الوقت الضايع هعملك الفطور
فؤاد: باركيلي ياما
وكمان باركيلي ياما
ابنك هيفطر في السحوووور
شوشو: ابنك؟؟
ابنك خلاني هروح بعثة ويا المجانين
ابنك خلاني هروح بعثة ويا المجانين
فؤلد: سامحيني يا شوشو أنا صايم
سامحيني يا شوشو أنا صايم
شوشو: وأنت أنت تكون مين
هو أنت لوحدك طاب ما احنا كلنا صايمين
كلنا صايمين
Mohamed-Hassan