يعني ايه "اللهُم ردّني إليك ردًا جميلًا" ؟؟
الرد الجميل إن ربنا يردك إليه بلُطف، من غير ابتلاء،
إنك ترجع لربنا من غير ما تجرك المصائب إليه جرًا ..
إن ربنا يقربّك منه بالنِعَم، تحمده وتشكره عليها وتفضل قريب منه والعطاء مايغيّركش ويخليك إنسان جاحد بتقرّب بس وقت الشِدّة والأزمات فَيبتليك عشان ترجعله.
ومن هنا جت دعوتين
- - اللهُم خُذ بأيدينا إليك بالعطاء ولا تأخذ بأيدينا إليك بالبلاء
- اللهُم اجعلنا عبيد إحسان ولا تجعلنا عبيد امتحان.
لو ركزت شوية هتلاقي إن عمرك في حياتك ما كنت جاهز لأي حاجة بتحصل لك !
بس سبحان الله أول ما بتبقى في الموقف و تقول يارب
بتعمل حاجات مكنتش تتخيل أبدا إنك بتعرف تعملها !
التوكل و التسليم الكامل لله مبهر و مش ببالغ إن بسببه بتحصل معجزات
"وَمَن يَتَوَكَّلْ عَلَى اللَّهِ فَهُوَ حَسْبُهُ ۚ إِنَّ اللَّهَ بَالِغُ أَمْرِهِ ۚ قَدْ جَعَلَ اللَّهُ لِكُلِّ شَيْءٍ قَدْرًا" .♥️
