logo




آخر المشاركات

أهلا وسهلا بك زائرنا الكريم في [ :: ملتقـــى شباب سبيـــس بــاور :: ]، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .

روتين يومي لبيت نضيف ومرتب

 الناس التايهه 🌿☘️فى تنضيف الشقه❤️❤️❤️🌺  ومعندهاش وقت ولاخلق ولا صحه للفرك اليومى وشقلبه الشقه زيي كدا😅😂 تعالى اقولك على كام حاجه هتعمليهم هيحافظو عل





30-01-2025 09:35 مساءً
 الناس التايهه 🌿☘️فى تنضيف الشقه❤️❤️❤️🌺
 ومعندهاش وقت ولاخلق ولا صحه للفرك اليومى وشقلبه الشقه زيي كدا😅😂 تعالى اقولك على كام حاجه هتعمليهم هيحافظو على نضافه شقتك باقل مجهود واقل وقت يلاااااااا بينااااا💃🏻💃🏻

🌿وانتى قايمه من سريرك اوعى تجرى تغسلى وشك قبل ما بايدك كدا تفردى الملايه وتعدلى المخدات مكانها صدقينى مش هتاخد ثوانى وبكدا شيلتى حمل السراير وعودى ولادك بنات وولاد يعملو كدا فى سرايرهم اول ما يقومو ✅

🌿تنضيف الحمامات من الحاجات اليوميه الى مينفعش متتعملش بس مش طول الوقت بيبقي عندنا الوقت والمجهود لدا فهقولك على حاجه هتعمليها هتسهل عليكى مجهود ووقت التنضيف حطى بخاخه فيها شويه كلور وكام نقطه صابون سايل وشويه ميه وخليها جمب الحوض وانتى بتغسلى وشك رشي كام رشه من البخاخ واشطفيه وانتى واقفه كدا وبردو نفس البخاخه اعملى زيها وحطيها جمب قعده
 التويلت وعودى اى حد يدخل من الولاد وانتى كل ماتدخلو تعملوها بشكل دورى طول الوقت بالشكل دا حمامك هيكون نضيف ✅

🌿اعملى بخاخه فيها شويه خل وصابوه سايل ومعلقه كربوناته وخليها جمبك على رخامه المطبخ طول ما هيا قدامك هتفتكرى تبخى وتلمعى الرخامه وضلف المطبخ وانتى واقفه تستنى البطاطس تتقلى او انتى بتقطعى الخضار وبكدا مش هتحسي بلود التنضيف او كسل وتقولى هعمل يوم للتنضيف ✅

🌿لو بتسلقى حاجه على البوتجاز واخدت وقت استغلى البخار الى طالع منها وسخونيه البوتجاز والحيطه الى وراه وبالموب امسحى الحيطان وضهر البوتجاز بالمره البخار والسخونيه بتسيح الدهون ومستحيل بالطريقه دى تتجمع دهون عندك على الحيطه او البوتجاز 👌🏻✅

🌿طبقي قاعده النص ساعه او العشر دقايق على حسب وقت يومك يوميا او حتى مرتين فى الاسبوع وتظبطى عليهم المنبهه علشان متسرحيش وتخلى وقت يومك يروح طيب فهمينا يا سماسيمو 😅هقولك يا ست الكل انتى فى التوقيت دا مثلا ترتبي رف دولاب واحد ايوه رف واحد او درج مطبخ واحد بس تنضيف عميق يعنى ايه لو مثلا رف هدوم هتفرزى الهدوم وتخيطى الى عاوز يتخيط وتكوى فيه الى عاوز يتكوى ورف مش هيكون متعب ولا هتبقي شايله هم بقيت الارفف وتقولى انا عاوزه اخلص فبالتالى ممكن تكروتى شويه كل يوم اعملى حاجه واحده بس بس اعملها على اكمل وجهه مش هتتعبي ولا تملى ولا تحسى بمجهودها

🌿حاولى تخلى لعبكو وقعدتكو فى مكان واحد بس بلاش تعودى اولادك يلعبو بالالعاب فى كل الشقه لا خصصي ليهم مكان محدد فى الشقه سواء اوضتهم او الليفنج او البلكونه بس هو المكان دا الى مسموح يبهدلو ه بلعبهم وعوديهم يلموها بعد ما يخلصو 

🌿لمى كل المنظفات والريشه بتاعت التنضيف وكام فوطه ميكرو فايبر فى منظم بلاستيك علشان لما تيجى تنضفى تاخدى المنظم دا مره واحده معاكى المكان الى هتنضفيه
 هيسهل عليكى الراحه والجايه وقت التنضيف 

🌿واخيرا وليس اخراا بلاش تضغطى نفسك وطول الوقت لازم الشقه تبقي على اكمل وجهه لان هيجى عليكى وقت وهتحسي انك تعبتى ومليتى وممكن تقعدى بالاسابيع بنتيجه عكسيه للضغط دا وتسيبي الشقه وساعتها فعلا مش هتعرفى تلميها عادى لو تعبانه النهارده خلى كل حاجه لبكره ولو مش قادره تطبخى عادى ممكن نقضيها عيش وجبنه مش هنموت صحتك ونفسيتك اهم انتى عمود البيت وانتى الى بتخليه بيت سعيد نضيف او بيت مضغوط كله مشاحنات ومش مريح نفسيا وجسديا
صلوا على النبي

وادعولي دعوه حلوة من قلبكم ..❤️
توقيع :Essraa.essam
إذا ضاقت عليك الدنيا فلا تقل يا ربّ عندي همٌّ كبير بل قل يا همُّ عندي ربٌّ كبير..
 

look/images/icons/i1.gif روتين يومي لبيت نضيف ومرتب
  31-01-2025 04:32 صباحاً   [1]
معلومات الكاتب ▼
تاريخ الإنضمام : 31-12-2024
رقم العضوية : 189
المشاركات : 3228
رصيد العضو : 2518.8
الدولة : جمهورية مصر العربية
الجنس :
الدعوات : 2
يتابعهم : 45
يتابعونه : 8
قوة السمعة : 240
تسلم ايديكي يا قمراية
توقيع :Hayam Shawky
يقولون يمكن للقلوب الدافئة أن تذيب الثلج، ولكن ما لا يعلموه أن تلك القلوب تتجمد مع مرور الوقت
وقد تتجمد هي عندما يكون الثلج قد ذاب 

look/images/icons/i1.gif روتين يومي لبيت نضيف ومرتب
  31-01-2025 05:43 صباحاً   [2]
معلومات الكاتب ▼
تاريخ الإنضمام : 30-12-2024
رقم العضوية : 73
المشاركات : 104
رصيد العضو : 32.13
الدولة : الاردن - الولايات المتحدة
الجنس :
يتابعهم : 1
يتابعونه : 18
قوة السمعة : 340
الله يبارك فيِ ويجزيكِ الخير 
استغلال وقت الانتظار خلال الطبخ بالتنظيف هو من اكثر النصائح اللي فرقت معي
توقيع :flowergirl
مر عمري احلم متى سأعيش
 

 

look/images/icons/i1.gif روتين يومي لبيت نضيف ومرتب
  31-01-2025 02:41 مساءً   [3]
معلومات الكاتب ▼
تاريخ الإنضمام : 03-01-2025
رقم العضوية : 1667
المشاركات : 1020
رصيد العضو : 914.78
الدولة : EGYPT
الجنس :
الدعوات : 2
يتابعهم : 8
يتابعونه : 9
قوة السمعة : 800
المشاركة الأصلية كتبت بواسطة: Hayam Shawky بتاريخ: 31-01-2025 04:32 صباحاًتسلم ايديكي يا قمراية
 
يسلمو مرورك ❤️🌹🌹
توقيع :Essraa.essam
إذا ضاقت عليك الدنيا فلا تقل يا ربّ عندي همٌّ كبير بل قل يا همُّ عندي ربٌّ كبير..
 

look/images/icons/i1.gif روتين يومي لبيت نضيف ومرتب
  31-01-2025 02:42 مساءً   [4]
معلومات الكاتب ▼
تاريخ الإنضمام : 03-01-2025
رقم العضوية : 1667
المشاركات : 1020
رصيد العضو : 914.78
الدولة : EGYPT
الجنس :
الدعوات : 2
يتابعهم : 8
يتابعونه : 9
قوة السمعة : 800
المشاركة الأصلية كتبت بواسطة: flowergirl بتاريخ: 31-01-2025 05:43 صباحاًالله يبارك فيِ ويجزيكِ الخير 
استغلال وقت الانتظار خلال الطبخ بالتنظيف هو من اكثر النصائح اللي فرقت معي
 
انا وإياكي 🌹🌹 

ربنا يعينك ويقويكي ي رب ❤️
توقيع :Essraa.essam
إذا ضاقت عليك الدنيا فلا تقل يا ربّ عندي همٌّ كبير بل قل يا همُّ عندي ربٌّ كبير..
 

اضافة رد جديد اضافة موضوع جديد




الكلمات الدلالية
روتين ، يومي ، لبيت ، نضيف ، ومرتب ،










الساعة الآن 02:46 PM